Kristján Ómar Björnsson hefur verið ráðinn aðstoðarþjálfari meistaraflokks Gróttu í knattspyrnu. Kristján á að baki 264 meistaraflokksleiki með Haukum og Þrótti, þar á meðal 64 leiki í efstu deild. Kristján er með UEFA-A þjálfaragráðu og er einnig rómaður einka- og styrktarþjálfari. Kristján hefur haldið fjölda fyrirlestra á síðustu árum, þar á meðal á þjálfaranámskeiðum KSÍ, um hugarþjálfun og lífsstíl í íþróttum. Fréttastofa Gróttusport heyrði hljóðið í Kristjáni í gærkvöldi sem kveðst spenntur fyrir nýja starfinu.
Framherjinn Viktor Smári Segatta er genginn til liðs við Gróttumenn. Viktor er 22 ára gamall, uppalinn FH-ingur, en hefur síðustu ár leikið með Haukum og ÍR. Hann hefur verið til reynslu hjá Gróttu síðustu vikur og spilað vel í sigurleikjum á Aftureldingu og Víkingi Ó í Fótbolta.net mótinu. Þá er Björn Axel Guðjónsson kominn aftur heim á Nesið eftir þriggja ára dvöl hjá ÍBV og Njarðvík en hann skoraði grimmt með Suðurnesjamönnum síðasta sumar. Loks ber að nefna að fyrirliðinn Guðmundur Marteinn Hannesson hefur skrifað undir nýjan samning við Gróttu en hann á að baki 129 leiki fyrir meistaraflokk.
Fyrr í dag skrifaði knattspyrnudeild Gróttu undir þriggja ára samstarfssamning við hugbúnaðarfyrirtækið Vivaldi technologies í vallarhúsinu við Gróttuvöll. Með samningnum er Vivaldi orðinn einn af aðalstyrktaraðilum knattspyrnudeildar og mun Gróttuvöllur framvegis heita Vivaldi-völlurinn. Það er Seltirningurinn og frumkvöðullin Jón von Tetzchner sem er eigandi Vivaldi og var hann mættur í dag til að skrifa undir samninginn. Þetta er ekki fyrsta verkefni Jóns hér á Nesinu en árið 2013 opnaði hann frumkvöðlasetrið Innovation House á Eiðistorgi þar sem 18 sprotafyrirtæki er nú með starfsemi.
Guðmundur Marteinn Hannesson er tilnefndur til íþróttamanns Gróttu 2014 af knattspyrnudeild. Gummi gekk til liðs við Gróttu árið 2008 og var þetta hans 6. tímabil með liðinu. Guðmundur hefur verið fyrirliði Gróttu frá árinu 2011 og á nú að baki 131 leik fyrir félagið. Guðmundur leggur ávallt hjarta sitt og sál og hverja æfingu og hvern leik. Hann er drengur góður og mikill leiðtogi innan sem utan vallar. Guðmundur er fastur fyrir, sterkur maður á mann og frábær
