Öruggur sigur og draumurinn lifir
|
Síðasti heimaleikur sumarsins fór fram á laugardag þegar lið Hattar frá Egilsstöðum kom í heimsókn á Gróttuvöll. Ekkert annað en sigur dugði Gróttumönnum og eins vonuðust menn eftir HK-sigri í Fagralundi. Eftir að gestirnir höfðu átt fyrsta færið var Grótta með mikla yfirburði í leiknum og sigraði 4-0 eftir að hafa verið 2-0 yfir í hálfleik. Hjörvar Hermannsson er kominn í stuð og setti þrennu og Enok Eiðsson skoraði eitt. HK vann Aftureldingu og hafa okkar menn því tryggt sér hreinan úrslitaleik við KV í Vesturbænum á laugardaginn!
Allir á völlinn á laugardaginn kl. 14:00
|
Valhúsahæðin undirbúin fyrir næsta sumar
|
Hannes til Kína?
|
Ef það er ekki allsherjar útkall fyrir næsta laugardag, þá er það aldrei ! Við hvetjum alla til að sýna það í verki að við styðjum við bakið á meistaraflokki karla og komum á síðasta heimaleik Gróttu sem hefst kl 14.00. Gróttugrillið verður heitt og gómsætir hamborgarar til sölu frá kl. 13:00. Grótta á enn möguleika á að tryggja sér sæti í 2. deild en til þess þarf leikur laugardagsins við Hött að vinnast. 
Á laugardaginn var nýlagður grasvöllurinn á Valhúsahæð undirbúinn undir veturinn en leikmenn í 2., 3. og meistaraflokki tóku til hendinni og unnu gott verk. Grasið var lagt á völlinn um mitt sumar en á laugardag var settur sandur með grasfræum í allar rifur til að völlurinn grói vel saman. Vonandi verður Valhúsahæðin iðagrænn og til í slaginn næsta sumar svo að iðkendur Gróttu geti loksins æft á grasi yfir sumartímann.
Markvörðurinn Hannes Grimm æfði um síðustu helgi með U-15 ára landsliði Íslands í knattspyrnu sem undirbýr sig nú fyrir forkeppni Ólympíuleika æskunnar í Kína næsta sumar. Þetta er í fyrsta sinn sem Ísland fær boð um að taka þátt í keppninni en síðustu ár hefur þessi aldurshópur ekki skipað eiginlegt landslið. Hannes er 14 ára og hefur farið á kostum í marki 4. flokks Gróttu í sumar og berst nú við þrjá aðra markverði um sæti í hópnum sem fer til Sviss í næsta mánuði.- Frábær ferð í Mosfellsbæinn
- Afturelding - Grótta í kvöld
- Annað silfur hjá 4. flokki kvenna
- Glæsimörk á Gróttuvelli
