Grótta

Grótta tryggði sér sæti í 32-liða úrslitum bikarkeppni KSÍ í gærkvöldi en í hádeginu á morgun verið dregið í næstu umferð. Öll liðin úr Pepsi-deildinni bætast nú við þau lið sem þegar hafa tryggt sig áfram og verður spennandi að sjá hverjir mótherjar Gróttu verða. Fréttastofa Gróttusport fékk nokkra Gróttumenn til að spá í spilin og velja sína óskamótherja.

Eins og svo oft áður var ljómandi gott veður í Fossvoginum þegar Grótta sótti Berserki heim í Bikarkeppni KSÍ. Lið Berserkja, sem er að mestu leyti skipað gömlum Víkingum, leikur í 3. deild í sumar en þeir tryggðu sér sæti í 2. umferðinni með því að leggja Álftanes að velli. Skemmst er frá því að segja að Grótta fór með 2-1 sigur af hólmi þó að fæðingin hafi verið erfið eins og stundum er sagt í boltanum. Jónmundur Grétarsson og Steindór Oddur Ellertsson skoruðu mörk Gróttu en Hrafn Jónsson var rekinn af velli um miðjan seinni hálfleik í stöðunni 1-1.

Sunnudaginn 20. maí nk. verður uppskeruhátíð Handknattleiksdeildar Gróttu haldin í íþróttahúsinu við Suðurströnd. Uppskeruhátíðin verður með hefðbundnu sniði þar sem veittar verða viðurkenningar fyrir handboltaiðkun í 2.-8. flokki félagsins og grillaðar pylsur.

Bikarkeppni KSÍ fór af stað í byrjun mánaðarins en á morgun er komið að okkar mönnum þegar Grótta heimsækir Berserki í Víkina. Berserkir leika í 3. deild en liðið er hugsað fyrir Víkinga sem ekki komast að hjá meistaraflokki. Fleiri en Fossvogsbúar spila með Berserkjum og má þar helst nefna Hjálmar Þórarinsson sem lék með Hearts í Skotlandi fyrir nokkrum árum. Gróttu hefur gengið ágætlega í fyrstu umferð bikarkeppninnar síðustu ár og komist áfram í þremur skiptum af fjórum.

Um helgina var valinn æfingahópur hjá U16 ára landsliðinu. Í þeim hópi voru fjórir Gróttumenn en það voru Aron Dagur Pálsson, Arnór Guðjónsson, Hjalti Már Hjaltason og Þorgeir Bjarki Davíðsson. Allir þessir leikmenn léku með 4.flokki karla í vetur sem lenti á dögunum í öðru sæti á Íslandsmótinu.