Saga félagsins

Garðar Guðmundsson áhugamaður um knattspyrnu kallaði saman nokkra drengi á Seltjarnarnesi árið 1966 og hóf skipulagðar æfingar um sumarið og upp úr því var stofnað Íþróttafélagið Grótta. Formleg stofnun var 24.apríl árið 1967 í samkomusal Mýrarhúsaskóla. Í fyrstu var félagið ekki deildaskipt enda eingöngu stunduð knattspyrna. Síðar var stofnuð handknattleiksdeild og fimleikadeild.
Í gegnum tíðina hafa ýmsar greinar verið stundaðar innan félagsins svo sem körfuknattleikur, skák og skíði. Í dag starfar Grótta í þremur deildum, fimleika-, handknattleiks- og knattspyrnudeild. Gróttu nafnið hefur beina og ótvíræða tilvitnun til Seltjarnarness. Það kemur til vegna vestasta hluta Seltjarnarnessins sem heitir Grótta. Þar er viti og er félagið nefnt eftir þeim vita. Í fyrstu stjórn Gróttu voru þeir Garðar Ólafsson, Magnús Georgsson, Garðar Guðmundsson og Stefán Ágústsson.

Sögu Íþróttafélagsins Gróttu, frá 1967-2006 má sjá HÉR

Sagan frá upphafi

Saga Íþróttafélagsins Gróttu er orðin rafræn og má skoða hana hér. Hingað til hefur saga félagsins ekki verið tiltæk nema í örmynd á prenti í afmælisritum Gróttu. Farið er yfir sögu hverrar deildar fyrir sig, frá stofnun deildarinnar til ársins 2006. Grótta þakkar Hermanni Þór Þráinssyni kærlega fyrir að hafa skrifað þessa sögu en hún var hluti af áfanga sem hann sótti í sagnfræði við Háskóla Íslands.

Næsta mál er að skrifa enn ítarlegri sögu fyrir félagið með skemmtilegum ferðasögum og sögum úr starfinu. Vonandi að það verði gert á næstu misserum.

Formenn frá upphafi
Stofnandi, Garðar Guðmundsson 1967

Formenn

  • Garðar Ólafsson 1967-1968
  • Stefán Ágústsson 1968-1973
  • Benóný Pétursson 1973
  • Grétar Vilmunarson 1973-1974
  • Benedikt Jónsson 1974-1976
  • Adolf Tómasson 1976-1979
  • Sigurgeir Sigurðsson 1979-1981
  • Gunnar Lúðvíksson 1981-1991
  • Ásgerður Halldórsdóttir 1991-1993
  • Bjarni Torfi Álfþórsson 1993-1995
  • Elías Leifsson 1995-1996
  • Einar Jóhannsson 1996-1997
  • Daníel R. Ingólfsson 1997-2002
  • Bjarni Torfi Álfþórsson 2002-2007
  • Gunnar Gíslason 2007-2011
  • Haraldur Eyvinds 2011-2015
  • Elín Smáradóttir 2015-