Skráningar

Forskráning fimleikadeildar Gróttu veturinn 2017 - 2018

Forskráning fimleikadeildar Gróttu hefst 1. júní og stendur til 13. ágúst 2017 á meðan það eru laus pláss. Greiða þarf 10.000.-króna skráningargjald með kreditkorti þegar iðkandi er skráður. Skráningargjaldið er óafturkræft en dregst frá æfingagjaldi næsta vetrar. Eftir 13. ágúst er hægt að skrá á biðlista.

Vegna framkvæmda á nýju fimleikahúsi sem á að hefjast í haust verða einhverjar breytingar á skipulagi starfsins næsta vetur. Fimleikaáhöld verða öll færð inn í græna salinn (gamla salinn) og fara allar æfingar fram þar.

Fimleikar fyrir 3 ára , 4 ára, og 5 ára börn (f. 2012-2014):

  • Það verða tvö námskeið fyrir 3-5 ára börn á sunnudögum næsta vetur, september-nóvember og janúar-apríl. Forskráning á fyrra námskeiðið hefst 1. júní 2017. Skráning á seinna námskeiðið hefst 1. desember 2017.

Fimleikar fyrir 6 ára og eldri:

  • Grunnfimleikar fyrir 6 – 8 ára stúlkur og drengi ( f. 2009 – 2011).
  • Áhaldafimleikar fyrir stúlkur 8 ára og eldri ( f. 2009 og fyrr).
  • Hópfimleikar og stökkfimi fyrir stúlkur og drengi 9 ára og eldri ( f. 2008 og fyrr).

Skráning iðkenda og greiðsla æfingajgalda

Skráning fer fram inn á skráningarkerfinu Nóra. Farið er inn á https://grotta.felog.is. Athugið að haka verður við ,,samþykkja skilmála“ og svo er smellt á island.is myndina – innskráning. Síðan er hægt að velja um Íslykil eða Rafræn skilríki.

Til að sjá námskeið sem eru í boði eru fyrir hvern iðkanda þarf að smella á „Námskeið/Flokkar í boði“ og birtast þá öll námskeið hjá viðkomandi félagi / sveitarfélagi sem eru í boði eru fyrir þann aldurshóp. Þá er að velja viðeigandi námskeið til að skrá á það og ganga frá greiðslu.

Ef nota á Frístundastyrk sveitarfélags sem greiðslu fyrir námskeið er hún sótt og ráðstafað í gegnum Nóra. Þá birtist lína og hægt er að haka við “Nota Frístundastyrk – nafn sveitarfélags“ og þá færist inn upphæð styrks sem viðkomandi iðkanda á rétt á , í sumum tilvikum getur forráða maður breytt upphæð og ráðstafað upphæð að eigin vali. Hægt er að nota hluta frístundastyrks, t.d. þegar verð námskeiðs er lægra en kr. 27.500, með að velja “Breyta, lækka upphæð og “Vista”.

Hægt er að velja um tvennskonar greiðslumáta í fellistiku, kreditkort og greiðsluseðla og skipta gjaldinu í allt að níu mánaðarlegar greiðslur. Umbeðnir greiðsluseðlar birtast í netbanka viðkomandi forrráðamanns. Fyrir hvern útgefin greiðsluseðil innheimtist sérstakt seðilgjald kr. 390.

Þegar valið hefur verið greiðslumáti og viðeigandi upplýsingar settar inn er mikilvægt að kynna sér og haka við í kjölfarið „Samþykki skilmála” og samþykkja með greiðslu.

Allar skráningar á námskeið eru endanlegar og ekki er hægt að afskrá / afpanta á netinu heldur eingöngu á skrifstofu félagsins. Vinsamlegsta athugið að 2000.- gjald er tekið fyrir breytingar á skráningu. Ef iðkandi hættir þarf að láta vita og uppsögn tekur gildi frá og með næstu mánaðmótum. Vinsamlegast ath. að það er á ábyrgð foreldra/forráðamanna að láta vita til að stoppa greiðslur.

Staðgreiðsluafsláttur

Veittur er 5% staðgreiðsluafsláttur af æfingargjöldum séu þau greidd fyrir 30. september. Vinsamlegast athugið að ekki er veittur staðgreiðsluafsláttur af sérstökum námskeiðum eins og t.d. stubbafimi, styrktarnámskeiðum og fullorðinsfimleikum.

Systkinaafsláttur

Veittur er 10% systkinaafsláttur. Vinsamlegast athugið að ekki er veittur systkinaafsláttur af sérstökum námskeiðum eins og t.d. stubbafimi, fullorðinsfimleikum og styrktarnámskeiðum. Ef  yngra barn er í stubbafimi fær eldra barnið 10% afslátt. Þetta á eingöngu við um stubbafimi en ekki önnur námskeið.