Handboltaskóli Gróttu og Hertz hefst á þriðjudaginn með pompi og prakt. Góð skráning hefur verið í skólann en hann stendur yfir í þrjár vikur. Hægt er að skrá sig á einstakar vikur eða daga ef því skiptir. Það má því búast við miklu lífi í íþróttahúsinu næstu vikurnar. Enn er hægt að skrá sig í skráningarkerfi Gróttu og í síma 561-1133 á skrifstofutíma eða í gegnum tölvupóstinn kristin@grottasport.is.

Handknattleiksdeild Gróttu verður, líkt og síðustu ár með öflugt sumarstarf fyrir börn og unglinga. Í sumar verður boðið upp á handboltaaskóla í þrjár vikur, þ.e. frá 4. – 21. ágúst. Í handboltaskólanum verður börnum skipt eftir aldri til að koma til móts við þarfir hvers og eins. Farið verður í grunnatriði fyrir yngsta aldurshópinn og flóknari æfingar fyrir eldri hópa. Skólastjóri og aðalleiðbeinandi skólans verður Andri Sigfússon íþróttafræðingur en þjálfarar og leikmenn handknattleiksdeildar koma auk þess að þjálfuninni. Byrjendur eru sérstaklega velkomnir á þessi námskeið.
Skólinn verður alla daga frá kl. 09:00 – 12:00, en boðið verður upp á gæslu frá kl. 08:00 og að skóla loknum til kl. 13:00. Handboltaskólanum lýkur með grillveislu fyrir alla þátttakendur föstudaginn 21. ágúst.
Verð:

  • Vika 1 – kr. 4.800 (4. – 7. ágúst)
  • Vika 2 – kr. 6.000 (10. – 14. ágúst)
  • Vika 3 – kr. 6.000 (17. – 20. ágúst)
  • Ef allar vikur eru teknar kostar það kr. 14.700kr

Handknattleiksdeild Gróttu verður einnig með sérstakan afreksskóla en hann er starfræktur 4. – 20.ágúst fyrir iðkendur sem verða í 5. og 4.flokki næsta vetur (f. 2000-2003). Æfingar fara fram á mánudögum, þriðjudögum, miðvikudögum kl. 12:30- 14:00 og á fimmtudögum kl. 14:00 – 15:30. Í afreksskólanum verður að miklu leyti farið í flóknari tækniatriði en í handboltaskólanum og meiri afrekshugsun í fyrirrúmi. Þjálfari í afreksskólanum verður Andri Sigfússon og auk góðra gesta.

Verð:

  • Vika 1 – kr. 3.750 (4.- 7. ágúst)
  • Vika 2 – kr. 5.000 (10.-14. ágúst)
  • Vika 3 – kr. 5.000 (17. – 21. ágúst)
  • Ef allar vikurnar eru teknar þá kostar það 11.500 kr

Afreksskólanum lýkur með grillveislu fyrir alla þátttakendur fimmtudaginn 20.ágúst.

Grotta_Handboltaskoli_2015_00